ՎՍՀ-ում Հայաստանի Հանրապետության դեսպան Վահրամ Կաժոյանի և Ֆրանկոֆոն համալսարանների գործակալության Ասիա-Խաղաղօվկիանոսյան տարածաշրջանի նորանշանակ տնօրեն Ժան-Մարկ Լավեստի միջև հանդիպում:

09 հոկտեմբերի, 2020

Հոկտեմբերի 9-ին Վիետնամում ՀՀ դեսպան Վահրամ Կաժոյանը հանդիպեց Ֆրանկոֆոն համալսարանների գործակալության Ասիա-Խաղաղօվկիանոսյան տարածաշրջանի նորանշանակ տնօրեն Ժան-Մարկ Լավեստի հետ՝ վերջինիս խնդրանքով: Նա վերջին հինգ տարում եղել է Հայաստանում ֆրանսիական համալսարանի ռեկտորը և հոկտեմբերի 1-ից է նշանակվել իր նոր պաշտոնում:

Ֆրանկոֆոն համալսարանների գործակալության տարածաշրջանային կենտրոնը գտնվում է Հանոյում և կազմակերպության ամենամեծ ռեգիոնն է:

Զրուցակիցները քննարկեցին դեսպանության և գործակալության համագործակցության հնարավոր հեռանկարները, ինչպես նաև անդրադարձան Ադրբեջանի ագրեսիայի արդյունքում Արցախի և Հայաստանի Հանրապետություններին պարտադրված պատերազմին:

Ժան-մարկ Լավեստը բարձր գնահատեց Հայաստանում անցկացրած իր տարիները. զրուցակիցները կարևորեցին ու բարձր գնահատեցին հայ-ֆրանսիական երկկողմ հարաբերությունները, որն իր հերթին նաև նպաստում է Հայաստանում ֆրանկոֆոնիայի տարածմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր